Мусаката со тиквички има неколку модификации и помошни состојки кои ја менуваат на вкус. Ова е еден од начините како може да ја направите.
Потребни состојки:
- 500 гр Мелено јунешко месо
- 2 Зелени тиквички
- 2 поглеми Домати
- 1 лажица Масло од семки од грозје
- 1 чешне Лук
- 2 Зелени пиперки
- 1 Млад кромид
- 1 Црвен кромид
- 1 Кромид
Зачини:
- по желба Магдонос
- по желба Сол и бибер
- 1 лажица Црвен пипер ( зачин )
Начин на подготовка:
На ситни коцки ги сецкате: кромидот, црвениот кромид, младиот кромид, пиперките и лукот. Тиквичките ги лупите и сецкате на тенки кругови.
Кога ќе се испржи зеленчукот на малку масло, го додавате меленото месо. Најдобро е солта и биберот да го ставите на почетокот од пржењето на месото.
Откако ќе се испржи месото ги додавате црвениот мелен пипер, исецканите и малку испасирани домати и го исклучувате шпоретот. Додавате и свеж магдонос по ваша желба, мешате убаво и ја тргате тавата од шпорет.
На веќе исецканите и наредените тиквички го ставате испржениот зеленчук и месото. Остатокот од тиквичките го редите врз месото.
Во веќе загреана рерна на 200 степени, ја ставате мусаката да се пече. Потребно време е околу 40 минути, но ако вашата рерна е премногу силна може да ставите алуминиумска фолија.
На здравје!
