Ова е моќен сируп за успорена работа на штитна жлезда, слабеење и силен имунитет. Зелените оревчиња и медот се доволни за да се направи овој моќен сируп. Само со две состојки е можно да се направи сируп кој има цела низа здравствени придобивки.
Овие две состојки се: млади зелени ореви и домашен, квалитетен мед, кои заедно создаваат моќен сируп за кој вашето тело ќе биде благодарно. Имено, младите зелени ореви, кои меѓу другото се богати со витамин Ц, во комбинација со медот стануваат дел од моќната мешавина која помага во подобрување на функцијата на тироидната жлезда при нејзино бавно функционирање, прочистување на црниот дроб, желудникот и крвта, но и кај болести на грлото и респираторниот тракт.
Покрај тоа, редовното користење на сирупот ќе помогне во зајакнување на имунолошкиот систем, ублажување на симптомите предизвикани од менопауза, исто така, помага и при слабеење. Помага при намалено железо, односно при анемија, што е уште една придобивка на ова соединение.
Потребни состојки:
- 40 млади зелени ореви
- еден килограм квалитетен мед
Постапка:
Измијте и исушете ги младите зелени ореви, а потоа исечете ги на половинки или четвртинки. Ставете ги исечените ореви во тегла и прелијте ги со мед. Треба да бидат целосно прелиени со мед.
Почекајте малку да излезат евентуалните меурчиња воздух, протресете ја теглата малку, па затворете ја со капак. Потоа оставете ја на на светло и сигурно место да отстои 40 дена, но да не биде изложена на директно сонце подолго време.
Повремено протресувајте ја теглата, но не ја отворајте. После 40 дена медот ќе добие темна боја благодарение на лековитиот сок кој ќе го испуштат оревите. Потоа можете да ги извадите оревчињата или да го процедите сирупот и да го складирате во темна стаклена тегла.
Доколку немате тегла од нетранспарентно стакло, доволно е да ја обвиткате со алуминиумска фолија или пак, да ја чувате на темно и ладно место, и да не се изложува на светлина.
УПОТРЕБА: Доволно е да консумирате по една лажичка од препаратот секое утро на гладно, растворено со половина чаша вода.