Фурнаринките може да се послужат со карактеристичен сос направен од кондензирано млеко и лук, но може да го замените и со бешамел сос.
Наместо парчиња се сечат на ленти полни со миризливо сирење, путер со вкус на лук и често попрскувани со магдонос. Ако веќе го имате подготвено тестото, ви треба само половина час да јадете, а веројатно повеќето состојки ги имате во фрижидер и оставата. Покрај сирење, можете да додадете и сецкана сланина за подобар вкус.
Состојки:
- готово тесто за пица
- 350 гр моцарела
- 3 лажици путер на собна температура
- 1 лажичка лук во прав + 2 лажички
- 2 лажици маслиново масло
- 1 конзерва засладено кондензирано млеко
- 1 лажица оцет
Подготовка:
За сосот, измешајте кондензирано млеко, оцет и една лажичка лук во прав во сад. Покријте и ставете во фрижидер.
Загрејте ја рерната на 240 степени Целзиусови. Во сад измешајте две лажици лук во прав и путер. Премачкајте го листот за печење со масло и ставете го тестото на него.
Премачкајте со путер измешан со лук врз тестото, а потоа посипете со раскинатата моцарела. Печете околу 13-20 минути (во зависност од рерната и количината на тесто). Осигурајте се дека тестото е печено со внимателно подигање на тестото со нож.
Исечете на ленти и послужете ги со кремаст сос кој претходно го подготвивте и го ставивте да се излади.
Добар апетит!
