Врвна торта која децата ја обожаваат.
Состојки:
- јајца 6
- шеќер 6 лажици
- брашно 6 лажици
- какао 4 лажици
- топла вода 6 лажици
- прашок за пециво 1 кесичка
За фил:
- млеко со 2,8% мм 1 литар
- густин 100 гр
- шеќер 5 лажици
- бело чоколадо 100 гр
- путер или маргарин 250 гр
- шеќер во прав 100 гр
За прелив:
- млечно чоколадо 200 гр
- млеко со 2,8% мм 5 лажици
- маргарин 150 гр
Начин на подготовка:
Јајцата се матат заедно со шеќерот. Измешајте брашно, прашок за пециво и какао, додадете ги во изматените јајца и сè заедно измешајте.
Додадете вода и соединете ја масата, па истурете ја во поголем плех обложен со хартија за печење. Се пече на 180 степени околу 20 минути, а кога е готово се сече кората на два дела.
Од литар млеко се одвојуваат 150 милилитри и се мешаат со густинот и шеќерот. Во преостанатото млеко додадете го белото чоколадо и оставете да зоврие, а потоа додадете го млекото со густинот и варете додека не ја добиете потребната густина.
Кога ќе се излади додадете го изматениот маргарин со шеќерот во прав. За преливот варете ги чоколадото, шеќерот, млекото и маргаринот додека не се соединат состојките.
Кората премачкајте ја со бел фил, па со преливот, ставете уште една кора и повторете ја постапката.
Добар апетит!