Научете како да направите мини пици од лиснато тесто.
Мини пиците се одличен предлог за вечера, а вака подготвените се уште подобри отколку ако ги купите во пекара. Совршено крцкави и неодоливо вкусни, а толку лесно се прават што успеваат и оние кои никогаш ништо не зготвиле. Состојките можете да ги изберете по ваша желба, ние ви ги предлагаме наједноставните и донекаде најевтините.
- Advertisement -
Состојки:
- 900 гр лиснато тесто
- 400 гр шунка
- 400 гр тврдо сирење
- 2-3 домати
- 150 гр кечап (сос од домати)
Подготовка:
Лиснатото тесто развлечете го и премачкајте со кечап или сос од домати. Потоа наредете ситно сечкана шунка и домати, па посипете со рендано сирење.
Завиткајте го тестото и исечете го на мали ролатчиња. Се редат во плех обложен со хартија за печење и се посипуваат со рендано сирење. Се пече во загреана рерна на 200°C околу 25 минути.
Пријатно!
