Најбрзиот рецепт за мини крофни.
Крофните се слатко кое сите го сакаме и нивниот мирис најчесто не потсетува на безгрижните детски денови. Нашите баби најмногу ни ги правеа за време на летниот и зимскиот распуст. Се јадат со џем, крем или шеќер. Тестото лесно се подготвува, потребни ви се само неколку основни состојки за да ги оживеете спомените. Пробајте го овој рецепт за винтиџ мини крофни.
Состојки:
- 250 гр брашно
- 2 јајца
- 100 гр кисела павлака
- 1 ванилин шеќер
- 2 лажици маслиново масло
- половина кесичка прашок за пециво
- малку сол
- масло за пржење
- шеќер во прав
Подготовка:
Во сад измешајте ги брашното и јајцата, шеќерот, павлаката, маслото, пецивото, солта и сè измешајте во мазно тесто. Расукајте го тестото до дебелина од половина сантиметар.
Исечете го тестото на ленти од 10 на 3 сантиметри и секоја лента врзете ја во машничка. Лентите можете да ги виткате во круг, или по желба. Се пржат во длабоко загреано масло. Се вадат на хартиена салфетка и се валкаат во шеќер во прав.
Пријатно!