Шарена експлозија од бои и вкусови, ова е најубавиот рецепт за мимоза салата.
Состојки:
- варени компири
- 100 гр шунка
- 100 гр кашкавал (сирење)
- 4 варени јајца
- 2 варени моркови
- 200 гр мајонез
- 200 гр павлака
- сол, бибер
Подготовка:
На дното од стаклен сад изрендајте варен компир, па додадете сол и бибер, потоа додадете половина од павлаката и распределете убаво.
- Advertisement -
Одозгора додадете малку мајонез, потоа рендан морков, па павлака, потоа шунка, па остатокот од киселата павлака, повторно малку мајонез, потоа изрендани варени јајца со завршница од мајонез и на крај рендан кашкавал или сирење.
Можете да ја оставите фантазијата да дивее и да ја украсите по ваша желба. Добро е да се олади во фрижидер околу еден час и да служи како предјадење, додаток на месо или само како главно јадење.
Пријатен апетит!
