Реклама
Како предлог за прилог еве еден рецепт за салата, која е подобра и повкусна од руската.
Состојки:
- 400 гр. компир
- 250 гр. морков
- 4 јајца
- 100 гр. праз
- 200 гр. димена печеница
- 250 гр. мајонез
- 250 гр. кисела павлака со 20% масленост
- 1 лажичка сенф
- 2 лажици сув зачин
- лук во прав (по желба)
Најпрво сварете ги компирот, морковот и јајцата. Исчистете ги морковите и олупете ги компирот и јајцата. Сите состојки насечете ги на мали ситни коцкички. Празот насецкајте го на што е можно поситни парченца.
Реклама
Во длабок сад ставете мајонез, кисела павлака, сенф, сув зачин и лук во прав. Сето тоа добро измешајте го додедека убаво се соедини. Потоа додадете ги ситно сецканите праз, компир, морков и јајца. Промешајте па додадете ја и ситно сецканата печеница. Добро измешајте ги сите состојки и оставете ја салатата да се олади во фрижидер.
За декорација, при сервирање одозгора може да додадете 2-3 лажички кисела павлака, 1 варено јајце и магдонос.