Касеролите се всушност најневеројатниот начин да се готви во големи количини и да го погодите сечиј вкус во само една тава. Од нив исто така ќе ви останат превкусни остатоци за следниот ден или два.
Пробајте ја оваа хранлива и ултра вкусна мексиканска касерола. Никогаш нема да го заборавите нејзиниот вкус!
Состојки:
(за 8 порции)
- 250 гр. киноа
- 1 лажица маслиново масло
- 1 кромид
- 3 зелени пиперки
- 700 гр. пилешки стек
- 150 гр. црвен грав (тегла или конзерва)
- 3 суп. лаж. зачин чили
- 1 лажичка ким
- 1 лажичка сол
- 1 лажичка црн бибер
- 1 шолја рендана моцарела
- 8 лажица доматно пире
- 2 лажица кисела павлака или хопла за готвење
Подготовка:
Во голем сад (тенџере) ставете ја киноата и 2 чаши вода и оставете ја да зоврие. Намалете ја температурата на готвење, покријте го садот со капак и оставете да се вари 15 минути.
Тргенет го тенџерето од рингла и оставете го да отстои, покриено, околу 5 минути. Со тоа киноата е сварена и подготвена за употреба.
Во тава за пржење, загрејте го маслиновото масло на средна температура. Додадете го кромидот и пржете го додека не омекне – околу 5 минути. Додадете го пилешкото и динстајте го на повисока температура околу 15 минути (самото месо ќе испушти малку течност во која ќе го динстате).
Додадете чили, ким, сол и црн пипер. Продолжете да динстате додека пилешкото не биде целосно приготвено, околу 4 до 5 минути. Додадете го црвениот грав и доматното пире и динстајте уште 1 дополнителна минута. Додадете ја павлаката или хоплата за готвење, промешајте добро и тргнете ја тавата од оган.
Во голема тава за печење ставете ја претходно приготвената киноа и распространете ја рамномерно по дното на тавата. Додадете ја смесата со пилешкото месо врз киноата. Промешајте добро со лажица додека смесата не се соедини целосно со киноата и на крај, израмнете убаво со лажица.
Додадете ја ренданата моцарела врз касеролата и печете 15 минути на 190 степени, односно сè додека сирењето не се растопи и добие жолтеникава боја.
Декорирајте со свеж магдонос и парчиња авокадо.
Добар апетит!