Пробајте го овој рецеп, гарантираме дека нема да зажалите!
Тие се меки и воздушни, а кога ќе ги каснете – ве очекува изненадување! Топло сирење што се растегнува!
Полнети колачи со моцарела и лук навистина ќе ве освојат уште при првиот залак. Подгответе ги за појадок, вечера или скара. Која комбинација и да ја одберете, нема да зажалите!
Состојки:
- 250 гр брашно
- 1 лажичка инстант сув квасец
- 1 лажица шеќер
- 125 мл (1/2 чаша) топло млеко
- 1 големо јајце
- малку сечкан млад лук
- 1 лажичка сол
- 1 лажичка лук во гранули
- 3 лажици путер
Фил:
- 2 свежа моцарела
- сол
- бибер
- магдонос
Прелив:
- 2 лажици путер
- 1 јајце
- пармезан
- трошки од леб
Подготовка:
Брашното се просејува, се додава шеќерот и квасецот растворен во топло млеко, се додава изматеното јајце, малку сечканиот млад лук, солта и лукот во гранули. Малку промешајте и додадете го омекнатиот путер. Мешајте додека убаво да се соединат сите состојки и да добиете меко тесто (малку лепливо). Покријте со чиста крпа и оставете да нарасне.
Моцарелата исечкајте ја на парчиња, па зачинете со сол, бибер и магдонос по вкус и измешајте. Тестото измешајте го со миксер за храна, па истресете го на набрашнета површина. Додадете брашно и измешајте, па обликувајте го малку и оставете уште малку да нарасне.
Се сече на 16 парчиња и од секое се обликува топче. Во средината на секое ставете парче моцарела и формирајте колач. Наредете ги во тавче подмачкано со масло.
Измешајте 2 лажици растопен путер и половина изматено јајце. Со смесата премачкајте ги колачите, па посипете со пармезан и лебни трошки. Се пече 25 минути во загреана рерна на 180 степени.
Пријатно!
