Мека како памук, нежна и толку вкусна, цветната погача е исто така лесна за подготовка.
Состојки:
Состојки за активирање квасец:
- 40 гр свеж квасец
- 1 лажица шеќер
- 20 мл млако млеко
- 2 лажици брашно
Состојки за тесто:
- 3 јајца
- 100 мл масло
- 180 мл јогурт
- 200 мл млако млеко
- 600-650 гр брашно
Подготовка:
Активирајте го квасецот, потоа додадете ги состојките за тестото и замесете мазно тесто. Оставете да нарасне околу еден час.
Откако ќе стаса земете го тестот на работна површина и почнете да правите форми како на сликата. Поделете го на девет топчиња поголеми кои ќе бидат листовите на цветот, едното ставете го во средина а другите распоредете ги одоколу како листови на цвет. И уште направете 8 помали топчиња кои ќе ги развиете во тенки ролни за да ги обиколите листовите на цветот на погачата.
На крај премачкајте со жолчка, додадете семе од сусам, оставете малку да се одмори погачата и печете на 180 степени 30 минути.
Добар апетит!
