Повторно нешто вкусно и малку необично од нашата кујна. Ваше е само да изберете кога ќе го приготвите.
Состојки:
- 550 г брашно
- 250 мл млеко
- 1 јајце
- 50 г путер (растопен)
- 1,5 лажичка сол
- 1 лажичка шеќер
- 1/2 коцка свеж квасец
- малку рузмарин (истолчен) (за посипување)
- малку сув лук (за посипување)
- малку маслиново масло (за премачкување)
- 1 жолчка (за премачкување)
Начин на подготовка:
Од состојките за подготовка на пита замесетемеко тесто. Покријте го со крпа и оставете го на топло да нарасне (барем дупло).
На набрашнета површина, тесто расукајте во голема округла кора. Намачкајте ја со маслиново масло, посипете со рузмарин и сув лук.
Со помош на ноже за сечење пица, надолж, исечете лентички (со иста ширина). Земете една лентичка и свиткајте ја во ролат. Ставете ја на почеток на другата лента и продолжете да ја виткате лентата во ролат. Постапката повторете ја со останатите ленти тесто.
Кога веќе ќе ви биде тешко да го виткате тестото во ролат, тестото оставете го на набрашнета повриша и лентите виткајте ги околу.
Во меѓувреме, рераната загрејте ја на 200 степени. Питата оставете ја на топло (додека се загрева рерната) малку дан нарасне. Непосредно пред печење, намачкајте ја со жолка и оставете ја да се пече околу 20 до 30 минути.
Добар апетит!
