Мафини со мед: Толку сочни и вкусни што ќе заборавите на сите други слатки задоволства!

Рецепт за десерт кој ќе ги заслади вашите зимски денови.

Состојки:

• 3 јајца
• 70 гр шеќер
• 1 ванилин шеќер
• 80 гр путер
• 90 гр мед
• нотка на каранфилче и морско оревче
• 1 лажица цимет
• 1 лажица зачин од ѓумбир
• 1 лажица кора од портокал
• 100 мл млеко
• 260 гр  брашно
• 1 прашок за пециво
• џем од кајсија или слива по желба

Подготовка:

Изматете ги јајцата со шеќер, а потоа додадете стопен путер, мед и млеко.

Во посебен сад измешајте ги сувите состојки, па комбинирајте ги со смесата со јајца и мешајте додека не добиете мазна смеса.

Пополнете калапи за мафини до половина.

Додадете една лажица џем и покријте ја со малку повеќе смеса. Печете околу 15 минути во загреана рерна на 180 целзиусови.

Добар апетит!