Масна, подуена пита што не треба да се заборави.
Состојки:
- 1 кг брашно
- 1,8 л ладна вода
- 2 лажици маслиново масло
- 1 лажица сол (и повеќе по вкус)
Фил:
- 100 гр путер или масло
- 200 гр кисела павлака
- 200 гр неутрална павлака
- 250 гр овчо сирење
Подготовка:
Ставете суво плехче во рерна да се загрева до 220 степени. Изматете ги сите состојки за тестото заедно со миксер.
Извадете го загреаниот плех за печење од рерна и премачкајте го со путер, па врз него ставете тенок слој од тестото. Вратете во рерна и печете го тестото околу 8 минути. Испечената кора ставете ја во подлабок сад.
Потоа истурете нова смеса во тавата и така печете се додека не го истрошите материјалот до крај.
Подгответе го филот. Се топи путерот во тава со средна големина и се додава павлака, кисела и неутрална.
Додека путерот и павлаката се комбинираат, го кршите добиеното тесто. Ставете ги искршените кори во плех и со рацете искршете го сирењето врз корите. Истурете ја добиената мешавина од павлака и путер над се. Промешајте и сервирајте.
Трик: Истото ова можете да го направите и со готови кори-јуфки кои ќе ги запечете претходно а потоа ќе ги полиете со добиениот фил.
На здравје!
