Стар рецепт што се чува од заборав. Меки и вкусни. Доколку ги подготвувале вашите мајки, ќе ве потсетат на детството.
Состојки:
Тесто:
- 1кг брашно
- 1/2 л млака вода
- 1 лажица сол
- 50 гр путер
- 2-3 лажици масло
Фил:
- 1/2 кг говедско месо
- 3 главици кромид
- сол, бибер по потреба
Прелив:
- 1 чаша кисело млеко
- 1-2 чешниња лук
Подготовка:
1.Замесете помеко тесто од брашно, сол и млака вода. Направете топче и оставете го да стои половина час. Размесете го и поделете на 12 топчиња.
Оставете ги да отстојат петнаесет минути, а потоа малку расукајте четири топчиња со сукалка, намачкајте мешавина од стопен путер и масло и наредете ги едно врз друго.
Расукајте ги малку повеќе со сукалото, а потоа исечете ги на квадрати, наполнете ги со фил и затворете ги попречно. Направете го истото со преостанатиот дел од тестото.
2.Филот ќе го направите со мешање мелено месо, лажичка сол, бибер и три глави ситно исечен кромид.
3.Наредете ги мантиите во подмачкан плех и печете ги на 200 степени околу 40 минути додека не заруменат.
4.Кога ќе се испечат, полијте ги со прелив од кисело млеко и сецкан лук, а потоа вратете ги во рерна неколку минути. Потоа покријте ги со фолија, ставете крпа одозгора, оставете петнаесет минути, а потоа послужете со јогурт, сирење, ајвар …
Добар апетит!
