Крцкави, слатко-кисели и вкусни!
Состојки:
- 5-7 кг пиперка
За прелив:
- 3 литри вода
- 1/2 л јаболков оцет со 4% оцетна киселина
- 150 гр шеќер
- 250 гр сол
- 200 гр мед
- 1 кесичка црн бибер во зрно
Дополнително:
- сецкан лист од магдонос
- сецкан лук
Начин на подготовка:
Измијте ги и исчистете ги пиперките од стебленца и семиња.
Во длабока шерпа ставете три литри вода, половина литар оцет, сол, шеќер, мед и бибер во зрно. Ставете ја шерпата на оган и оставете течноста да зоврие, а потоа додадете е го исчистениот пипер и варете го околу 2-3 минути.
Извадете ги пиперките и редете ги во големи тегли, посипете го секој ред со сецкани лисја од магдонос и сецкано лукче, по желба.
Кога ќе ги наполните теглите со пиперки, притиснете ги пиперките одозгора со пластична решетка и потоа ги наполнете ги теглите со врелиот пресол во која ги варевте пиперките. Затворете ја врелата тегла веднаш.
На крај откако ќе ги затворите теглите, покријте ги со ќебе и оставете ги на топло додека не се изладат.
Пријатен апетит!
