Тавче гравче е традиционално македонско јадење, храна која е дел од секое македонско семејство. Се подготвува од свеж македонски грав и се сервира во македонски земјени чинии. По традиција се прави секој петок.
Состојки:
- 200 г гравче
- 1 главица кромид
- 1 сува пиперка
- 2-3 чешниња лук
- малку масло за готвење
- 1-2 лажички црвен пипер
- малку сол, нане и црн бибер
Начин на подготовка:
Гравот прво добро се чисти, се мие и се потопува да лежи во ладна вода најмалку три часа (по традиција се остава преку ноќ) за да омекне, потоа се мие и се вари. По првото вриење водата се исфрла (бидејќи создава гасови), па се става нова вода.
Исплакнете го гравчето неколку пати. Во сад со вода, на оган, ставете го да се вари заедно со цел кромид (исчистен), лукче и пиперка. Варете го гравот се додека не омекне.
Во тавче, загрејте масло за готвење и ставете некоку лажички црвен пипер и пропржете го. После 90-тина минути колку што му се потребни на гравот да се свари, исцедете го гравот (но не сосема), зачинете и ставете ја запршката.
Гравчето е спремно за печење. Претурете го во керамички тави и
Потоа содржината ставете ја во земјен сад и печете на температура околу 220 степени, околу 15 минути. Печете сè додека течноста не испари и не се запече одозгора.
Добар апетит!