Вкусна макарони манџа која брзо се прави а вистинско уживање за љубителите на тестенини.
Ова е рецептот, кој доколку постите може да го направите со посни тестенини.
Потребни состојки:
- 500 гр. макарони
- 200 гр. маринирани печурки
- 100 гр. соини трошки
- 850 гр. посен ѓувеч од конзерва
- 2 главици кромид
- 2 лажици пченкарно брашно
- 2 лажички вегета
- 2 лажички буковец
- 2 лажици сенф
- бибер
- сол
- 2 бр. ловоров лист
- 1 лажичка оригано
- масло
Подготовка:
Кромидот се лупи и се сецка на ситно. Се става во длабока тава (тенџере), да се пржи во загреано масло на оган.
Потоа се додаваат печурките и откако ќе се испржат се додава буковец. Соините трошки се потопуваат во врела вода. Откако ќе омекнат се цедат и се додаваат во тавата заедно со буковецот.
Кога ќе се испржи сојата, се додава ѓувечот и се остава убаво да се пржи, па се додава вода околу 2 кг. Сето тоа врие околу десетина минути и потоа се додаваат макароните.
Подоцна кога тие ќе зовријат, се додава пченкарното брашно кое претходно е растворено со ладна вода.
На крај се додава сенфот, ориганото, ловоровиот лист и малку бибер и сол по вкус.
Сето ова се вари околу пет минути. Потоа се трга од оган и се остава уште десет минути да отстои загушено до капак.
Манџата се служи додека е топла.
