Поинаков рецепт за макарони болоњезе збогатен со 2 трик состојки.
Макарони Болоњезе се едно од најпознатите италијански јадења, а се подготвуваат така што тестенините се преливаат со густ доматен сос со мелено месо. Постои и помодерна верзија на познатиот класик, а тоа е додавање сенф и крем за готвење во сосот. Овие две состојки дополнително ќе го збогатат вкусот и ќе го разубават јадењето. Пробајте го овој рецепт кој се подготвува лесно и брзо.
Состојки:
- 1/2 кромид
- 450 гр мелено месо
- 220 гр макарони
- 2 чешниња лук
- 450 мл сос од домати
- 120 мл крем за готвење
- 1/2 лажичка сенф
- 1/4 лажичка зачини
- малку пармезан
Подготовка:
Исечкајте го кромидот и пропржете го на малку масло. Кога ќе омекне се додава мелениот лук, а по минута-две го додаваме меленото месо. Кога ќе се испржи, додадете го сосот од домати, сенфот и зачинот.
Промешајте и вријте 5 минути. Потоа додадете го кремот за готвење и измешајте. Оставете уште 5-10 минути. Во меѓувреме сварете ги макароните. Процедете ги и додадете ги во сосот, па добро измешајте. По желба посипете со пармезан.
Пријатно!
Извор: Прашање на вкус
