Ова е најубавата торта на светот. Нема да згрешите доколку ја направите.
Состојки:
Кора:
- 4 цели јајца
- 4 лажици шеќер
- 4 лажици масло
- 1 лажица какао
- 4 лажици брашно
- 5 гр или половина вреќа прашок за пециво
Фил:
- 750 мл млеко
- 2 пудинзи со вкус на ванила
- 1 лажица брашно
- 150 гр кристален шеќер
- 250 гр маргарин или путер
- 80 гр чоколадо
- 80 гр мелени бисквити
- 2 пакувања – 300 гр јафа бисквити
- 200 гр бисквити
- сок од портокал да се прелие кората и да се потопат бисквитите (може и млеко)
Подготовка:
Измешајте пудинг од ванила, шеќер и лажица брашно со малку ладно млеко, а остатокот од млекото ставете го на среден оган да зоврие. Сварете го пудингот, па мешајте додека не се згусне. Тргнете го од оган, промешајте уште малку, па ставете фолија над пудингот и оставете да се излади. За кората, вклучете ја рерната да се загрее на 180 степени.
Изматете ги белките со шеќерот, потоа додадете жолчка и масло и изматете се. На крај додадете брашно, какао и прашок за пециво и комбинирајте се. Ставете хартија за печење во обложен плех од 32 x 23 см или приближно димензии, а потоа истурете ја смесата. Печете околу 20 минути во зависност од рерната. Изладете ја испечената кора.
Изматете путер или маргарин, изматете го пудингот, па додадете го путерот и изматете се заедно. Растопете го чоколадото. Поделете го филот на 3 дела, а потоа додадете 80 гр мелени бисквити на еден дел, стопено чоколадо на друг дел и измешајте, а третиот останува ванила.
Посипете ја кората со сок од портокал, премачкајте го првин филот од бисквити, натопете ги јафа колачињата во сок, па преклопете ги наопаку врз филот, премачкајте со чоколаден фил, потопете го бисквитот во сокот, па преклопете го преку филот, и на крај ставете ванила фил одозгора.
Прелијте со чоколадна глазура од чоколадо и 3 лажици масло што сте ги стопиле на тивок оган или во микробранова печка. Оставете ја тортата да се стегне.
Пред сервирање, извадете ја од фрижидер 15 минути и оставете да не пукне чоколадото при сечењето.
Добар апетит!
