Едноставен рецепт за чаен колач со лимон и глазура од ѓумбир.
Потребни состојки:
- 375 гр. брашно
- 2 лажици пециво
- 1/4 лажичка сол
- 250 гр. масло
- 400 гр. шеќер
- 4 јајца
- 2 лажици ликер од портокал
- 3 лажици рендана кора од лимон
- 300 мл. неутрална павлака
- 1/2 лажичка ѓумбир во прав
- 125 мл. свежоцеден сок од лимон
- 150 гр. шеќер во прав
Начин на подготовка:
Подгответе правоаголен плех или калап за колач, убаво подмачкајте го со масло на дното и краевите.
Во одделен сад пресејте ги сите суви состојки и оставете ги на страна. Во длабок сад за матење, измешајте ги маслото и шеќерот и изматете ги со миксер. Додадете ги јајцата со постојано матење.
Измешајте го ликерот со ренданата кора од лимон. Кон истата смеса додадете ја неутралната павлака. Убаво измешајте ги и соединете ги со изматените јајца.
Со постојано матење додајте ги сувите состојки, што ги одделите на почетокот. Мешајте добро се додека не се добие убава хомогена смеса. Потоа излејте ја смесата во калапот.
Загрејте ја рерната на температура од 180 степени и ставете го колачот да се пече во убаво загреана рерна. Печете околу 50 минути, се додека колачот не добие златинеста коричка. Откако ќе се испече ивзадете го од фурна и оставете да се олади.
За да ја направите глазурата, изматете 150 грама шеќер во прав заедно со лимовиот сок и ѓумбр во прав. Убаво мешајте за да се раствори шеќерот. Потоа внимателно прелејте го колачот, кој многу малку е топол, но внимавајте не треба целосно да е оладен. Кога целосно ќе се олади, тогаш колачот е готов за сервирање.
Пријатен апетит!