Лиснатото тесто со топено сирење и печеница се прави толку лесно што повеќе нема да сакате да го купувате.
Готово лиснато тесто исполнето со топено сирење и печеница ќе се најде на вашата трпеза за помалку од 30 минути. Ретко кој може да одолее на топлите печива, кои однадвор се крцкави, а внатре меки и воздушни. Доколку ви треба за гости, брз појадок или вечера, овој рецепт е идеален за тоа. Од наведените состојки ќе добиете шест парчиња.
Состојки:
- 500 гр лиснато тесто
- 100 гр печеница
- 6 триаголници топено сирење
- 2 лажици крем сирење
- 1 жолчка од јајце
Подготовка:
Лиснатото тесто ставете го на хартија за печење, па со сукало расукајте го малку. Премачкајте го со крем сирење, а потоа наредете ги триаголниците од растопено сирење хоризонтално, но така да има барем еден сантиметар простор помеѓу секој.
Врз тоа рамномерно распоредете ја печеницата. Одозгора префрлете ја долната страна од лиснатото тесто, па со нож исечете го тестото во правоаголник. За да добиете шема на неколку места исечете го тестото одозгора.
Изматете ја жолчката, па со неа премачкајте го тестото одозгора. Префрлете ја хартијата за печење во плех, па ставете ја во загреана рерна на 180 степени околу 15 минути.
Пријатно!