Совршениот рецепт за лиснато тесто! Ви треба малку повеќе труд, но крајниот резултат се исплати.
Состојки:
- 1 кг брашно
- 250мл млако млеко
- 100мл млака вода
- 1 лажица сол
- 1 лажица шеќер
- 100мл масло
- 1 јајце
- 40 гр свеж квасец
- 200-250 гр маргарин
- 200 гр сирење
- Сусам
Подготовка:
Во голем сад ставете го млекото и водата, лажица сол и шеќер, маслото, 1 јајце и свежиот квасец. Се убаво се меша, се додава останатото брашно и се прави меко тесто.
Тестото веднаш се става на набрашнета подлога за размесување и се размесува и сука како кора во правоаголна форма.
На така расукана кора се ренда маргарин на половина кора, а потоа се преклопува со другата половина. Сега повторно се ренда маргарин на едната половина од кората, и пак се преклопува со останатата половина од кората. Постапката се повторува уште еднаш. Потоа целото тесто кое изгледа како купче, го оставаме да отстои 10-15 минути.
Откако ќе отстои тестото, повторно се размесува во кора и се повторува целата постапка погоре наведена со размесување, рендање маргарин и преклопување. Повторно се остава 10 минути, и пак се размесува по иста постапка. Значи севкупно три пати се размесува тестото и се прави со маргарин. Овие чекори се битни за да може тестото да направи лиснат облик.
После третиот пат се расукува кората на голема површина , на едната половина се наросува иситнето сирење, а доколку сакате може да го отавите празно тестото, за оние кои не сакаат никаков вкус. Се преклопува со празната половина од кората и се сече првин на ленти, а потоа тие ленти се сечат коцки, нивната големина зависи од вашата желба.
Се редат на хартија за печење во плех, се премачкуваат со жолчка од јајце и се поросуваат со сусам.
Печете на 180 степени околу 30 минути.
Добар апетит!
