Сите ја сакаме кујната на нашите мајки и баби, мирисите кога готват потсетуваат на детството, среќата, безгрижноста. Затоа ви подготвивме еден прекрасен рецепт за погача која се подготвува многу лесно и брзо…
Пред вас е одличен рецепт за најубавата пенеста лисната погача, директно од бабината кујна.
Состојки:
- 450 мл. млеко
- 20 гр квасец
- околу 800 гр брашно
- 50 мл. масла
- 1 јајце
- 1 лажичка шеќер
- 1/2 лажичка сол
- омекнат путер или маргарин
- 1 жолчка за премачкување и сусам
Подготовка:
Растопете го квасецот во млекото, додадете шеќер и масло, брашно, сол и замесете ситно мазно помеко тесто. Оставете да одмори 30 мин. Одделете 4 помали топчиња околу 180 гр., обликувајте ги со рака и ставете ги топчињата во средината на подмачкан плех.
Повторно издвојте 4 помали топчиња од првите и секое расукајте го во големината колку една чинија. Секоја премачкајте ја со путер или маргарин. Ставете го едно врз друго и потоа развијте го со сукало. Повторно премачкајте ја последната кора и завиткајте во ролна како за кифлички, од двете страни за да се преклопат. Пресечете на половина.
Добивме две потенки ролнички кои ги ќе ги пресечете на половина и ги испреплетуваме како обрач околу топките во плех. На ист начин премачкајте ги 4-те развиени топчиња така што развиеното тесто ќе го исечете попречно и секој триаголник по малку на средина и аглите ќе ги протнете низ отворите и триаголниците наредете ги меѓу топчињата во плехот за печење.
Врвовите излегуваат надвор, а поширокиот дел оди во средината. Во средината на колачот можете да ставите мало топче или од тестото да направите ружа.
Премачкајте со жолчка и посипете со сусам. Вклучете ја рерната на 200 степени, да се загрее, а потоа при печење намалете ја на 180 степени. Погачата печете ја 45-50 минути. Откако ќе ја извадите од рерна покријте ја со крпа, така ќе добиете крцкава коричка.
Доколку пропуштивте нешто, погледнете го видеото во кое детално е објаснета постапката.
Извор: Bakina kuhinja