Рецепт за пита со шери домати. Рецептот може да го адаптирате по ваш вкус, и наместо лиснато тесто можете да користите и домашно замесено тесто.
Состојки:
- 400 гр меко сирење
- 2 јајца
- 100 мл млеко
- 50 гр рендан пармезан
- сол
- 2 гранчиња босилек
- 1 чешне лук
- 50 мл масло
- 300 гр замрзнато лиснато тесто
- 400 гр шери домати
- бибер
- 1 лажичка кафеав шеќер
- 2 лажици сок од лимон
Подготовка:
Измешајте го мекото сирење, јајцата, млекото и пармезанот и додадете сол во смесата. За песто, измијте го и исушете го босилекот и откинете ги лисјата. Измешајте лук, 2/3 лисја од босилек и масло додека не добиете фино, густо пире. Загрејте ја рерната на 200 степени.
Расукајте го лиснатото тесто во квадратна форма, ставете го на плех обложен со хартија за печење и формирајте подигнат раб од страните на плехот.
Тестото премачкајте го прво со 2/3 од пестото, а потоа со смесата која ја направивте со сирење. Измијте ги шери доматите, преполовете ги и измешајте со остатокот од пестото. Зачинете со сол, бибер и сок од лимон, потоа наредете ги на сирењето одозгора. Печете во рерна 35 минути. Украсете со остатокот од босилек и печете уште 5 минути.
На здравје!
