Вкусна крем салата со тестенини и јогурт, која е многу лесна за подготовка. Штом ќе ја пробате еднаш нема да може да одолеете на овој вкус.
Потребни состојки:
- 500 гр. макарони
- 150 гр. кашкавал
- 200 гр. шунка Пекабеско
- 2-3 варени моркови
- 15 кисели краставички
- 1 црвена пиперка
- 1,5 литри јогурт
- 200 гр. мајонез
Подготовка:
Тестенините се варат во солена вода, а потоа се мијат со ладна вода и се оставаат на страна.
- Advertisement -
Кашкавалот, шунката и морковите заедно со киселите краставички и пиперката се сецкаат ситно. Сето тоа се меша заедно со оладените макарони.
Се додава јогуртот и мајонезот и се меша убаво за да се соедини смесата.
Пред служење треба добро да се олади салатата. Се декорира со свеж магдонос и маслинки.
