Традиционален рецепт од Стара Планина, пронајден во весник од 1922 година.
Состојки:
- 1 кг. брашно
- 500 мл. млака вода
- 1 коцка квасец
- 6 лажици стопен путер
- 2 лажици сол
- 1 лажица шеќер
- 2 јајца
- За прелив:
- 400 гр. кисело млеко
- 2 лажици стопен путер
- 2 јајца
- 400 гр. топено сирење
Подготовка:
Квасецот се става во млака вода со шеќер. Во сад ставете го просеаното брашно и сите останати состојки. На крај додадете го квасецот. Квасецот треба само да нарасне, а не целосно да кисне.
Замесете го тестото. Ќе ви се залепи за раце, затоа што е меко, па кога месите малку премачкајте ги со масло рацете. Покријте со крпа и оставете да стаса, да се удвои, околу 30 минути.
Премесете го тестото, па истурете го на набрашнета површина и поделете го на 10 топчиња. Секое топче растегнете го во кора го со големина колку чинија за десерт и наредете ја на плех.
Јајцата изматете ги со вилушка, па додадете го киселото млеко. Добро соединете ја смесата и истурете ја во средина врз секоја лепиња, внимавајте да не биде до рабовите. Одозгора ставете го ренданото сирење.
Така филувани оставете ги да нараснат уште 15 минути. Се печат на 220 степени околу 20 минути.
Да напоменеме дека рецептот е сличен на бугарската Прленка, само што таму се става овчо сирење и овчо кисело млеко.
Пријатно јадење!