Лесна, непечена, овошна торта која сите во куќата ќе ја сакаат веднаш!
Состојки:
- 300 гр мелени бисквити
- 200 гр кокос
- 200 гр шеќер во прав
- 2 дцл сок од портокал
- 1 литар млеко
- 1 пудинг од ванила
- 1 чоколаден пудинг
- 4 супени лажици густин
- 2 маргарини од 250 гр
- 200 гр мали бисквити
- 1/2 л слатка павлака
- 4 банани
- 10 лажици шеќер
- сок од портокал за потопување бисквити
Подготовка:
Прв фил: Во 1/2 литар млеко сварете пудинг од ванила, 2 лажици густин и 5 лажици шеќер. Измешајте ладно со половина од изматениот маргарин.
Втор фил: Во 1/2 литар млеко сварете чоколаден пудинг, 2 лажици густин и 5 лажици шеќер. Измешајте ладно со половина од изматениот маргарин. Оставете ги двата филови во фрижидер околу еден час.
Кора: Измешајте мелени бисквити и кокос (може да ставите ореви наместо кокос), прелијте со 2 дцл сок од портокал, посебно изматете 1 маргарин и 200 гр шеќер во прав и се соединете. Оставете во фрижидер околу еден час. Потоа поделете на два дела.
Редење на тортата: Користете кружен калап со дијаметар од 26 см и покријте го со проѕирна фолија. Во калапот рачно притиснете половина од мелената кора од бисквит.
Потоа се премачкува со половина од првиот фил, па се редат ред бисквити, натопени во сок од портокал. Потоа премачкајте со половина од вториот фил, па бананите исечкани на прстени или по должина, кои ги попрскавте со сок од лимон.
Повторно премачкајте со другата половина од вториот фил, повторно бисквитот, па остатокот од првиот фил. На крајот кората од мелените бисквити. Оставете во замрзнувач околу 3 часа. Потоа превртете ја тортата на плех и премачкајте ја со шлаг или чоколадо и ставете ја во фрижидер.
Пријатно!
