Вкусна како класична лазања со месо, и поздрава!
Доколку сакате да подготвите здрава и лесна вечера, а сте љубител на лазања, ви предлагаме да ставите спанаќ наместо месо. Вкусот ќе ве воодушеви.
Состојки:
- кори за лазања
- малку маслиново масло
- 100 грама рендан пармезан или сирење
За фил:
- 200 грама бело сирење (фета или моцарела)
- 2-3 лажици маслиново масло
- 400 грама излупени домати
- 400 грама млад спанаќ
За бешамел сос:
- 100 грама путер
- 100 грама брашно
- 1 литар ладно млеко
- 5 лажици рендан пармезан
- 4 јајца
- сол и црн пипер
Подготовка:
Излупениот домат пржете го на маслиново масло додека не испари течноста. Исчистете го спанаќот, измијте го и сварете го кратко во солена вода. Изладете го, па исечкајте го ситно.
За сосот бешамел, промешајте го брашното во малку млеко (како кога готвите пудинг) и истурете го во загреано не ферментирано млеко, па варете го околу 5 минути, мешајќи. Додадете путер, сол и малку бибер. Кога сосот бешамел ќе се олади малку, промешајте ги изматените јајца, пармезанот и спанаќот и распарченото бело сирење.
На дното на подмачканата огноотпорна чинија ставете кора. Истурете малку сос од излупен домат и потоа сос од бешамел со спанаќ и сирење. Повторете го процесот и завршете со кора над која треба да ставите само излупен домат и пармезан или сирење. Ставете го во загреана рерна, и печете на 180 степени околу 40 минути.
Добар апетит!