Пробајте едноставен рецепт за лазања со пилешко.
Лазањата е италијанско јадење кое многумина го сакаат, но и избегнуваат да го подготвуваат, бидејќи бара трпение и подготовка на бешамел сос, што за некои домаќинки е губење време.
Состојки:
- 1 пакување кора за лазања
- 300 гр пилешко бело месо
- 300 мл неутрална павлака
- 200 мл кисела павлака
- 2 моркови
- 200 гр сирење Трапист
- 100 мл кечап
- Сол, бибер
- оригано
Подготовка:
Пилешкото исечкајте го на коцки, изрендајте го морковот и зачинете го по вкус.
Зачинетото пилешко пржете го на масло пет минути. Потоа пилешкото прелијте го со 200 мл неутрална павлака измешана со павлака и оставете да се крчка додека не се згусне. Остатокот од неутралната павлака оставете го за подоцна.
Правоаголниот огноотпорен сад премачкајте го со масло и наредете го првиот ред кори. Врз нив ставете фил од пилешко и павлака, прелијте со малку кечап и повторете ја постапката додека не го потрошите целиот материјал.
Одозгора прелијте го остатокот од неутралната павлака и обилно посипете со рендан Трапист. Покријте ја тавата со алуминиумска фолија и печете 45 минути во загреана рерна на 200 степени. Потоа извадете ја фолијата и печете уште пет минути за да се фати кората.
Пријатно!