Едноставен, брз и вкусен рецепт за ручек со малку состојки.
Јадењето чиј рецепт ве очекува подолу потсетува на мусака, но наместо мелено месо се додаваат шунка, сирење и домати. Одличен викенд-ручек кој нема да одземе многу време за подготовка, а ќе ве воодушеви со својот вкус.
Состојки:
- 2 модри патлиџани
- 4 домати
- 200 гр рендано сирење
- 150 гр рендан кашкавал
- 200 гр исечкана шунка
- сол, оригано
- маслиново масло
Подготовка:
Модрите патлиџани исечкајте ги на кришки. Посипете ги со сол и почекајте 20 минути да ја испуштат горчливата вода. Исушете ги и наредете ги во плех обложен со хартија за печење. Намачкајте ги со малку маслиново масло. Се печат на 220°C 15 минути.
Откако ќе се изладат, наредете ги во огноотпорен сад. Садот намачкајте го со маслиново масло, наредете ред патлиџани, па шунка и сирење, а одозгора наредете кругови домати. И повторно модар патлиџан, шунка, сирење и домат.
Одозгора обилно посипете со рендан кашкавал и посипете со оригано. Се пече во загреана рерна на 200°C 30 минути.
Пријатно!