Соленото лиснато пециво со кромид е одлично празнично предјадење.
Од кромид и лиснато тесто ќе го направите најинтересното празнично предјадење. Солениот ролат ќе ја разубави секоја трпеза, а посебен шмек ќе му дадат сирењето и афионот. Афионот најчесто се користи за колачи, па на овој рецеп му дава интересна нота, а веруваме дека ќе им се допадне на сите.
Направете го ова мезе и гостите веднаш ќе бидат воодушевени, а вашите кулинарски вештини ќе бидат пофалени од сите.
Состојки:
- 300 гр лиснато тесто
- 1 кромид
- 100 гр сирење
- 1 јајце
- малку афион
Подготовка:
Изрендајте го кромидот, па пропржете го. Се става преку лиснатото тесто, а преку него се ставаат трошки од сирење. Со изматено јајце премачкајте го делот од тестото во кој нема ни сирење ни кромид, па потоа завиткајте го тестото во ролат.
Исечете парчиња, како ролнички, полжави и ставете во плех обложен со хартија за печење, насекаде премачкајте со јајце и посипете со афион. Печете на 200 ° C околу 15 минути.
Пријатно!
