Пржени пилешки стапчиња со сусам се совршени солени закуски кои ќе го воодушеват вашето непце.
Ова е омилен оброк за повеќето деца и најчест избор во рестораните за брза храна. Сепак, варијантата подготвена дома е далеку поздрава и подеднакво вкусна.
Состојки:
- 600 гр пилешко филе
- 2 лажици масло
- 1 лажица сенф
- 3 јајца
- 200 гр презла
- 150 гр сусам
- сол, бибер
- масло
Подготовка:
Месото исечкајте го на ленти, па зачинете по вкус, малку подмачкајте со масло и премачкајте со сенф, убаво измешајте и оставете го во фрижидер околу половина час.
Секое парче пилешко прво валкајте го во презла, потоа во јајцата што претходно ги измативте и на крај во сусам. Лесно натопете во длабоко добро загреано масло и пржете неколку минути од едната и неколку минути од другата, додека малку не поруменат. Испржените стапчиња ставете ги на хартиена крпа за да се исцеди вишокот маснотии.
На здравје!