Пржените кришки се секогаш добредојдени на нашите трпези, а овој едноставен и евтин специјалитет е навистина вреден – се подготвува брзо и може да се јаде на десетици начини.
Совршените пржени кришки се крцкави на рабовите, а нежни и меки во средината, не треба да бидат премногу масни или суви, а исто така не смеат да се изгорат или да бидат недоволно пржени…
А работата е само во внимателната подготовка, трпението и триковите на искусните мајстори, кои сега ви ги пренесуваме.
Ако вашите пржени кришки се премногу мрсни, изгорени или „живи“, еве каде грешите и како да го поправите тоа.
Го сечете лебот премногу тенко
Ако кришките се премногу тенки, лебот лесно може да се распадне бидејќи смесата со јајца е „тешка“. Парчињата треба да бидат дебели околу сантиметар и половина.
Користите свеж леб
Секогаш е подобро да се користи леб што е оставен барем еден ден да отстои.
Ги пржите на путер
Путер гори на високи температури, па затоа е далеку подобро да се користи растително масло.
Не користите млеко
Иако тоа не е необична практика кај нас, сепак пржените кришки се многу повкусни кога во смесата со јајца се додава млеко, а тоа да бите полномасно!
Ставивте премногу јајца
Општа формула за подготовка на мешавина од јајца е да користите четвртина чаша млеко и едно јајце на две кришки леб.
Ги заборавате зачините
Нотка ким, бибер или малку пармезан во смесата ќе ги направат обичниите пржени кришки „ремек дело“, а доколку сакате слатка варијанта нека биде цимет, ванила или шеќер во прав.
Нетрпеливи сте
Маслото мора да биде врело за кришките да не апсорбираат премногу маснотии. Пржете ги на средна топлина по неколку минути од секоја страна.
