Кралица на слатките и сите десерти! Не сте пробале ваква кремпита досега!
Состојки:
- 8 јајца
- 16 лажици шеќер
- 1 чаша масло
- 1 чаша вода
- 8 лажици брашно
- прашок за пециво
- 1 литар млеко
- 4 пудинзи од ванила
- шлаг
- рендано чоколадо за декорација
Подготовка:
Од оваа смеса се добиваат 2 кори. Одделете ги жолчките од белките, а потоа изматете ги жолчките со 8 лажици шеќер. Додадете чаша масло, чаша вода, 8 лажици брашно и прашок за пециво, потоа соединете и истурете во плех обложен со хартија за печење. Печете 2 пати на 180 степени околу 15 минути.
Фил: Изматете ги преостанатите белки во снег и оставете ги на студено додека го готвите пудингот. Истурете литар млеко во сад, додадете 8 лажици шеќер, 4 пудинзи од ванила и промешајте со жица за да се стопи се добро во млекото. Ставете го садот на шпоретот и варете цело време, мешајќи за да не се згрутчи. Кога ќе се згусне, тргнете го од шпоретот и додека е уште жешко, додадете ги белките од јајцата.
Истурете ја целата смеса од фил врз првата кора во калапот и покријте ја со втората кора. Оставете на ладно место да се стегне добро, минимум 2 часа. Украсете со шлаг и рендано чоколадо.
Пријатно!
