За сите љубители на зачинето месо, овие кременадли се совршени.
Во исто време меки и сочни. Можете исто така да ја намалите количината на лута пиперка за да одговараат на вашиот вкус. За кој сака да се „излути“ рецептот е со совршени количини на состојки па се малку полути од вообичаено.
Состојки:
- 1 кг кременадли без коски
- 200 гр свежи печурки
- 100 – 150 мл масло
- брашно, сол
- лажичка сув зачин
- половина лажичка бибер
- една полна лажица сув чили пипер, а може и домашна мелена пиперка
Подготовка:
Исечете парче кременадла на половина и потоа исечете ја по должина, како за вешалица. Исчукајте ги малку со чекан за месо и посолете од двете страни.
Загрејте 100 мл зејтин, па валкајте ги кременадлите во брашно и пржете ги на силен оган по 3-4 минути од секоја страна, за малку да поруменат, но внимавајте да не изгори брашното во тавата.
Направете го истото со сите кременадли. Во тавата додадете 50 мл масло, исечкани печурки и половина чаша вода. Гответе додека не испари водата, а потоа додадете една лажица брашно и сè измешајте минута-две.
Додадете половина литар вода, па зачините и лутата пиперка. Смесата треба да биде ретка, водена. Спуштете ги кременадлите и динстајте сè на тивок оган додека вишокот вода не испари и месото целосно не омекне. Послужете топло со салата од компири и зелка.
Пријатно!
