Мирисот на кокос секогаш потсетува на убаво време и море. Ако сакате некоја практична торта во која ќе уживате со сите ваши сетила, тогаш нека ова е ваш избор.
Состојки:
- 650 мл млеко
- 30 гр брашно
- 20 гр густин
- 100 гр шеќер
- 100 гр путер
- 2 лажици какао
- Бисквити 200 гр
- 50 гр шеќер во прав
- 250 мл слатка павлака
- 20 гр кокос
Подготовка:
Измешајте шеќер, брашно и густин и додадете во млекото (350) што се готви. Гответе, мешајќи постојано, додека не се згусне. Додадете го путерот на собна температура и изматете. Поделете го на два дела и во едниот додадете 2 лажици какао.
Потоа, премачкајте го дното на калапот со дијаметар од 25 см и наредете еден ред бисквити потопени во млеко (300 мл) па преку бисквитите ставете го филот во кој има какао кој го подготвивте.
Потоа пак бисквити потопени во млеко и повторно премачкајте со полнењето сега тоа без какао а на крај се завршува со бисквити потопени во млеко. Изматете ја слатката павлака со шеќерот во прав и премачкајте ја тортата одозгора. Посипете со кокос и ставете во фрижидер 2 часа.
Пријатно!
