Кој друг може да одолее на топла и миризлива супа?
Состојки:
- 1 кромид
- 20 гр путер
- 1 морков
- 250 гр пилешко филе
- 1 лажица брашно
- сув зачин
- 1 лажица масло
- 200 мл крем за готвење
- 1 литар вода
- сол
Подготовка:
Исчистете и ситно исечкајте го кромидот а потоа запржете го во путер. Додадете морков на коцки и оставете така да се динста десет минути, додавајќи вода по потреба.
- Advertisement -
Додадете го пилешкото филе на коцки, зачинете со сув зачин и бибер и оставете го да врие уште пет минути. Посипете со брашно и промешајте, а потоа истурете еден литар вода и варете уште 20 минути.
На крај, додадете го кремот за готвење. Додадете сол по вкус. Гответе уште пет минути со постојано мешање. Послужете топло.
Добар апетит!
