Слатка за вистински хедонисти! Освежителна, лесна торта што се топи во уста! Комбинацијата од ванила и јагода е секако непобедлива, а кога бисквитите ќе се измешаат во сето тоа, добивате вкус кој не се заборава.
Состојки:
- 2 пакувања бисквити
- 1 литар млеко
- 3 пудинзи од ванила
- 250 мл слатка павлака
- 200 гр крем сирење
- 6 лажици шеќер
Фил:
- 400 гр јагоди
- вода
- 5 лажици шеќер
- пудинг со вкус на јагода
- 10 гр желатин (1 кесичка)
Подготовка:
Прво сварете пудинг од ванила, и кога ќе се олади во него додадете ја слатката павлака и изматете. Потоа додадете крем сирење и изматете уште малку. Филот со ванила е готов.
Исечете ги јагодите и додадете 500 мл вода, шеќер по желба, а потоа ставете го на шпорет да зоврие. Гответе 2-3 минути. За тоа време, промешајте го пудингот со 200 мл вода, и натопете го желатинот во 5 лажици вода.
Јагодите може да ги изгмечете малку како кога ќе испасирате компири, а потоа додадете ги во пудингот и измешајте. Додадете стопен желатин во пудингот и енергично промешајте. Да знаете, нема многу да згусне. Извадете го од шпоретот и оставете да се олади 5-10 минути.
На дното на калапот наредете ги бисквитите потопени во млеко. Ставете половина од белиот (ванилин) фил над него. Оставете во фрижидер околу 10 минути и потоа истурете половина од филот од јагоди. И потоа ставете го во фрижидер 10-15 минути, а потоа прелијте го со остатокот од филот со ванила, а потоа и со остатокот од филот со јагоди.
Од страните можете да украсите со бисквити (пишкоти) како на сликата.
Оставете преку ноќ, или барем неколку часа во фрижидер, а потоа послужете и уживајте во совршениот вкус.
Уживајте!
