Со ова јадење, вашата трпеза ќе биде навистина посебна.
Нашиот предлог за вашиот ручек денес е фантастичен. Веруваме дека ќе ви се допадне. Не бара многу напор или време, а за возврат ќе добиете нешто навистина фантастично – јадење кое не само што изгледа убаво, туку има и навистина божествен вкус.
Состојки:
- 4 батаци со карабатак без коски
Маринада:
- 3 чешниња лук
- 50 грама магдонос
- 1 лажица сенф
- бибер
- сол
- сув зачин
- маслиново масло
За полнење:
- 4 листови мортадела
- 4 парчиња кашкавал
- 200 гр. пушена сланина (панчета)
Подготовка:
Месото од батаците убаво растегнете го па премачкајте го со маринадата од состојките погоре наведени, така што ќе исецкате лук и ќе го измешате со сите зачини.
Потоа на секој батак наредете лист мортадела и парче кашкавал, потоа парче пушена сланина и завиткајте ги во ролни. Прицврстете со чепкалка за заби или конец за готвење. Однадвор повторно премачкајте со маринада.
Покријте со алуминиумска фолија и печете во загреана рерна на 200 С околу 20 минути. Потоа отстранете ја фолијата и печете уште 10 минути, така што месото ќе добие крцкава кора.
Пријатно!