Колку пати ви се случило да налетате на некоја примамлива слатка а потоа кога ќе почнете да го читате рецептот, меѓу состојките ќе налетате на кондензирано млеко и се откажувате.
Благодарение на овој рецепт ќе имате кондензирано млеко во секое време. Значи, кондензираното млеко се добива со испарување на водата од млекото со долго варење. На крајот треба да се добие густа леплива смеса со конзистенција слична на медот. А што се однесува до вкусот, неодоливо потсетува на белиот дел од еурокремот – млечен, сладок и фин.
Состојки:
(за 400 гр кондензирано млеко)
- 30 гр путер
- 60 гр шеќер во прав
- 200 гр млеко во прав
- 120 мл зовриена вода
- 1 лажичка вкус на ванила (опционално)
Подготовка:
Во тавче растопете го путерот и оставете го на страна. Во блендер се ставаат шеќерот во прав, млекото во прав, а потоа растопениот путер, зовриената вода и аромата на ванила и едноставно се мешаат 2-3 минути додека не се добие фина компактна густа смеса.
Истурете во тегла доколку не планирате да ја користите веднаш, оставете ја да се излади, а потоа ставете ја во фрижидер до употреба. Вака складираното кондензирано млеко можете да го чувате во фрижидер до една недела.
Целосно ќе се стегне кога стои, па само загрејте го пред употреба и ќе биде како ново. Може да се користи и во микробранова печка, но сепак подобро е да го извадите од теглата во тенџере и да го стопите на шпоретот. Побезбедно е, бидејќи ако ја наполните теглата до врвот и ја ставите во микробранова печка, може да истече.
