Реклама
Омилено јадење, едноставно и вкусно.
Состојки:
- 1 кг. компири
- 2 главици кромид
- 1 морков
- 1 корен од пашканат
- 1 парче целер
- 1 чаша сок од домати
- 2 лажички црвен пипер
- 100 мл. масло
- 2 лажици брашно
- сол по вкус
- бибер по вкус
- копар по вкус
- суви билни зачини по вкус
- магдонос по вкус
Подготовка:
Излупете ги компирите, па исечете ги на коцки со средна големина. Исчистете го и другиот зеленчук. Кромидот исечкајте го што помало, како и морковот, пашканатот и целерот.
Реклама
Во тавата истурете половина од маслото, па прво пропржете го кромидот. Кога ќе замириса и малку ќе омекне, додадете го остатокот од зеленчукот заедно со компирот и динстајте 5 минути.
Додадете околу литар и половина вода, во зависност од тоа колку сакате да биде густа. Оставете ја чорбата да се динста на умерена температура околу 35 минути.
Реклама
На преостанатото масло кратко пропржете ги брашното и пиперката, па со постојано мешање сипете ја смесата во тенок млаз во готовата чорба.
Зачинете и оставете ја чорбата да врие уште 10 минути.