Овие колачиња со неодолив изглед се еден од најчестите избори на оние кои сакаат слатко со години.
Освен што се убави за око, тие се и многу вкусни, а она што ќе ве возбуди уште повеќе е дека нивната подготовка нема да потрае многу време.
Состојки:
- 4 белки од јајца
- 70 гр шеќер
- 230 гр шеќер во прав
- 120 гр мелени бадеми
- прстофат сол
- боја за храна
- полнење по избор (крем, џем, слатка павлака, шлаг …)
Подготовка:
Загрејте ја рерната на 150 степени. Белките и шеќерот изматете ги со миксер додека не добиете цврста смеса. Потоа додадете ја бојата за храна и промешајте уште една минута.
Измелете ги бадемите, шеќерот во прав и солта двапати за да ги отстраните сите можни грутки. Постепено и внимателно комбинирајте ги со белките. Смесата треба да биде мазна и густа, да не се растури.
Ставете хартија за печење во плехот, а потоа користете шприц за да ја обликувате смесата во мали топчиња. Печете 15-20 минути. Спојте ги двете колачиња со полнење по вкус. За ова можете да користите џем или слатка павлака, шлаг или обична растопена чоколада.
Пријатно!
