Брзо се припрема, многу е вкусно и нискокалорично. Иако е карактеристично јадење за потоплите денови, сепак погодно е за секоја сезона. А покрај пријатниот вкус, уште поголем впечаток остава аромата што се шири додека се пржат пиперките.
Состојки:
- 500гр зелени пиперки, сецкани
- 500гр зрели домати
- 200гр бело сирење, сечено на коцки
- 3 јајца
- 3 лајци масло
Начин на подготовка:
Пиперките се мијат, се сечат надолжно и се чистат од семките. Потоа се сацкаат попречно, парчиња од 1см. Доматите се лупат и се сецкаат на ситни коцки.
Во тава за пржење се загрева маслото, и се пржат пиперките со повремено мешање. Кога пиперките се омекнати се додаваат доматите и заедно се пржат. Се готви додека течноста испари и смесата е згустена.
Тогаш се додава сирењето и се пропржува уште 5-10мин, па се додаваат јајцата лесно изматени. Се готви на пониска температура уште 5-10мин.
Забелешка: Затоа што сирењето е доволно солено, нема потреба од посолување на јадењето.
Се служи со топол леб.
Пријатно јадење!
