Направете ги овие неодоливо вкусни кифлички од пченично црно брашно (брашно тип 950 за леб и пециво). Тестото одлично се меси, брзо стасува и вкусот на кифличките е фантастичен.
Кога еднаш ќе пробате да направите вакви кифлички, постојано ќе ги правите со црно брашно.
Состојки:
- 600 гр. брашно т-950
- 350 мл. млеко
- 50 гр. путер
- 2 лажички сол
- 1 лажичка шеќер
- 1 пакетче сув квасец
За премачкување:
- 50-70 гр. путер
- 1 јајце
- малку крупна сол
- сусам или семиња (по желба)
Подготовка:
Во подлабок сад ставете го состојки потребни за подготовка на кифличките. Замесете мазно тесто. Тестото треба да биде меко, но не премногу меко за да може да се обликуваат кифлите.
Покријте го и оставете го тестото на топло да нарасне. Потоа префрлете го на набрашнета површина и поделете го на 2 топчиња.
Секое топче расукајте го во поголема кружна кора и премачкајте го со растопен путер.
Кругот од тесто пресечете го на повеќе тенки но долги триаголници и завиткајте ги во форма на кифличка.
Ставете ги во претходно намаслен плех за печење и повторно оставете ги да нараснат уште барем 30 минути.
Пред печење, премачкајте ги со едно изматено јајце и наросете ги одозгора со крупна сол, со сусам или семиња по ваша желба и ваш избор.
Печете ги кифличките околу 20 минути, во претходно загреана рерна, се додека не добијат убава златна боја.
На здравје!