Едноставна и вкусна салата со тиквички и моркови ќе ве воодушеви.
Кон крајот на летото и почетокот на есента се прави зимница и нема човек што не го очекува овој период. Следен чекор е печење пиперки, правење ајвар, пинџур, како и други специјалитети. Но, можете да користите и тиквички и од нив да направите совршена салата. Измешајте ги со моркови и кромид и ќе направите салата која можете да ја послужите со месо, леб и како мезе на веселбите. Уживајте!
Состојки:
- 3 кг тиквички
- 1 кг моркови
- 1 кг кромид
- 250 гр шеќер
- 250 мл масло
- 200 мл оцет
- 2 лажици сол
Подготовка:
Тиквичките и кромидот исечкајте ги на ситни коцки, а морковот изрендајте го. Истурете во поголемо тенџере. Во мало тенџере измешајте шеќер, сол, оцет и масло и варете додека се се стопи и соедини.
Прелијте го зеленчукот и измешајте, па оставете 2-3 часа на собна температура за зеленчукот да го ослободи сокот. Мешајте од време на време. Ставете го тенџерето на шпорет и оставете да зоврие.
Кога течноста малку ќе испари, варете го зеленчукот уште 15 минути на ниска температура. Истурете во стерилизирани тегли и цврсто затворете. Превртете ги наопаку и покријте ги со крпа, па оставете уште еден час.
Пријатно!