Еден поинаков рецепт за лесно, брзо и вкусно јадење.
Состојки:
- 12 големи суви пиперки
- 2 раце чварки (пршки, џимиринки)
- 4-5 јајца
- по вкус сол
- 1-2 лажици масло
Подготовка:
Сувите пиперки, ставете ги во зовриена вода да омекнат. Потоа исцедете ги, исчистете ги од семките и исечете ги на помали парчиња.
Јајцата со малку сол изматете ги со вилушка.
- Advertisement -
На загреана тава со сосема малку масло пропржете ги чварките колку да пуштат маст и потоа додајте ги пиперките.
Мешајте ги и пржете ги зедно 2-3 минути да се изедначат вкусовите. На крај додајте ги изматените јајца и мешајте додека и тие се испржат.
Послужете ги додека се топли со прилог лепче, сирење и јогурт.
Уживајте во овој уникатен вкус!
