Коленицата во пиво е специјалитет за сите вистински гурмани.
Ова јадење е еден од специјалитетите на многу ресторани, а рецептот за него е едноставен. Единствено што бара овој специјалитет е време за подготовка, но кога ќе го послужите и пробате, ќе сфатите дека вредела секоја потрошена минута. Можете да го послужите со варени или печени компири, а варениот или печен зеленчук е добар како прилог за коленицата.
Состојки:
- 1 поголема свинска коленица
- 1 литар пиво
- 2 моркови
- 6 чешниња лук
- 2 главици кромид
- 3 ловорови листови
- 1 лажица масло
- сол, бибер
Подготовка:
Истурете го пивото во подлабоко тавче. Ставете го во него коленото, а потоа излупените и крупно исечканите моркови, лукот, како и излупениот кромид и исечете ги на четвртинки.
Додадете бибер и ловоров лист, па варете на тивок оган два и пол до три часа. Извадете го месото од тавата и оставете го на страна да се исцеди. Подмачкајте ја тавата и загрејте ја рерната на 200 степени.
Печете го коленото половина час, за да добие карамела боја и крцкава кора. Послужете со прилог и сезонска салата.
Пријатно!
