Народски познато како ”каурма” е старинско јадење со пржени свински дробчиња и праз. Постојат многу разновидни рецепти за подготовка на ова јадење, но ние го издвојуваме токму ова кое некогаш го правеа нашите баби.




Потребни состојки:
- 800 гр. свински дроб (црн или бел дроб, може и мешано)
- 2 страка праз
- 4 суви црвени пиперки
- 1/2 доматно пире ( од конзерва)
- 1 лажица вегета
- 1/2 лажичка црн бибер
- 1 прстофат сол
- 1 шолја брашно
- 300 мл масло
- 100 мл вода




Начин на подготовка:
Убаво измијте и исчистете го свинскиот дроб. Потоа насечете го на парчиња.
Зачинете со вегета, промешајте и оставете да отстои околу 15 минути.
Во посебен сад измешајте брашно, бибер и прстофат сол. Во оваа смеса истурете го насечениот дроб и добро измешајте го.




Вака подготвените дробчиња ставете ги во тава да се пржат, додадете масло и пржете околу 15 минути се додека не добиете златинеста боја на маслото.
Во длабок сад загрејте 5-6 лажици масло и во него издинстајте го празот, претходно насечен на ситно. Динстајте го се додека не омекне.




Потоа додадете ги ситно сечените суви пиперки заедно со доматното пире. Истурете 100 милилитри топла вода и оставете да се готви.
Зачинете по вкус и оставете да се динста околу 15 минути. Потоа додадете го испржениот дроб исцеден од мрснотии. Измешајте добро и поклопете го садот со капак. Динстајте ја каурмата со свински дроб уште 5-10 минути.



