Намаз со префинет вкус што е многу лесен за правење. Намачкајте го на тост леб, пецива или крекери и послужете како предјадење. Ќе ги изненадите вашите гости со нешто ново и многу вкусно. Се подготвува за неколку минути.
Состојки:
- 300 гр мортадела
- 120 гр свежо полумасно сирење
- 100 гр крем за готвење
- 1 лажичка сенф
- 2 лажички растително масло
- 1 лажичка бибер
- ф’стаци
- пармезан
- леб или пецива по ваш избор
- зелена салата по избор
Подготовка:
Исечете ја мортаделата на коцки и ставете ја во блендер. Додадете свежо полумасно сирење, крем за готвење, сенф и бибер. Вклучете го блендерот и почекајте една минута додека сите состојки не се претворат во крем.
Ако сакате, додадете до 2 лажички масло за јадење или крем за да постигнете дополнителна кремавост на намазот, како и дополнителни зачини по желба.
Вклучете го блендерот повторно и оставете околу 2 до 3 минути.
Може да го послужите мусот од мортадела веднаш или да го ставите во сад со капак и да го чувате во фрижидер за подоцна да го сервирате. Може да користите мус како полнење за равиоли.
Пред сервирање, запечете го лебот или пецивото по ваш избор на тава за скара. Нанесете многу мус од мортадела и посипете со излупени ф’стаци, рендан пармезан и зелена салата по желба.
Добар апетит!
